Маркус баян қилған Хуш Хәвәр

Қисқичә чүшәндүрүш

 Бу китапниң муәллипи Маркустур. Гәрчә Маркус һәзрити Әйсаниң он икки шагиртиниң бири болмисиму, амма униң мәзкүр китави һәзрити Әйсаниң шагирти Петрусниң тәлимлиригә асаслинип йезилған.
Хуш Хәвәрни баян қилған башқа муәллипләр һәзрити Әйсаниң Рәбби¬миз екәнлигини көпирәк тәкитләп өткән болса, Маркус һәзрити Әйсаниң йәнә бир тәрипи, йәни инсанларниң Хизмәткари екәнлигини көпирәк тәкитлигән. Маркус китавида һәзрити Әйсаниң тәлими тоғрисида көп тохталмиған болуп, униң хатирилири һәзрити Әйсаниң әмәлий паалийәтлирини асас қилған. Китапниң мәркизий идеяси һәзрити Әйсаниң Инсан Оғли башқиларни Өзигә хизмәт қилдурғили әмәс, башқиларға хизмәт қилғили вә җенини пида қилиш төләмигә нурғун адәмләрни гунадин азат қилғили кәлгән, дегәндин ибарәт муһим тәлимигә муҗәссәмләшкән.
Маркусниң бу китави асасән йәһудий әмәс китапханларға қаритилған болғачқа, униңда йәһудийларниң йосун-қаидилири чүшәндүрүлгән.

Тезис:

1. Йәһия пәйғәмбәрниң һәзрити Әйсаниң йолини тәйярлиши (1-бап 1-8-айәтләр)

2. Һәзрити Әйсаниң чөмүлдүрүлүши вә синилиши (1-бап 9-13-айәтләр)

3. Һәзрити Әйсаниң Җәлилийәдики хизмити (1-бап 14-айәттин 9-бапқичә)

4. Һәзрити Әйсаниң Йерусалимға сәпири (10-бап)

5. Һәзрити Әйсаниң бу дуниядики һаятиниң ахирқи һәптиси (11-15-баплар)

6. Һәзрити Әйсаниң тирилиши вә шагиртлириға көрүнүши (16-бап)